MOSSELBAAI NUUS - Die plaaslike tak van die Tuinroete DBV vier vandeesweek die kat en het daarom besluit om vandeesweek die kollig op hierdie pragtige katte te plaas as aanneemdiere.
1. Klein katjies bly nie altyd klein nie.
2. Ouer katte is rustiger.
3. Hulle persoonlikhede het reeds ontwikkel en pas dus makliker in by 'n huishouding.
4. Ouer katte doen minder "kattekwaad".
5. Hulle vorm sterk bande met hulle huismense.
6. Meeste ouer katte gee nie so baie om om alleen tuis te wees wanneer hulle huismense elders is nie byvoorveeld werk of skool.
7. Katte word tussen 15-20 jaar oud, daarom is 'n kat van agt jaar oud slegs middeljarig met nog baie jare om vertroetel te word.
8. Jy hoef nie te wonder oor hoe groot jou kat nog gaan word nie.
9. Ouer katte het minder aandag nodig, maar is nog steeds spelerig.
10. Alle katte verdien 'n tweede kans.
Kontak die DBV van Maandag tot Vrydag vanaf 09:00 - 16:00, asook Saterdae van 09:00 - 11:00 (044 693 0824 of 082 252 0351).
Die publiek is ook welkom om die DBV se facebook-blad te besoek - Garden Route SPCA Mosselbaai - vir meer inligting en foto's.
Die DBV se aanneemfooie is soos volg: honde (ouer as ses maande) R700; honde (jonger as ses maande) R800; katte (ouer as ses maande) R500; katte (jonger as ses maande) R600. Vir diere jonger as ses maande, word R100 terugbetaal wanneer die dier gebring word vir sterilisasie op die gewenste ouderdom.
Die aanneemfooie sluit in sterilisasie en eerste ontwurming, asook inenting.
Die DBV se na-ure noodnommer is 072 287 1761. Die veeartseny-kliniek by die DBV word bedryf op Dinsdae en Donderdae vanaf 09:00 - 16:00. Navrae kan gerig word aan 071 658 4832.
'Ons bring jou die nuutste Mosselbaai, Tuinroete nuus'
