MOSSELBAAI NUUS - Alle 4x4-entoesiaste word genooi om Sondag, 2 April aan 'n bewusmakingsrit deel te neem.
Die rit is ter bewusmaking van die Garden Route 4×4 Expo & Outdoor Show wat aan die einde van April (28 April tot 1 Mei) op Bartelsfontein, Mosselbaai aangebied word.
Almal wat Sondag se rit wil meemaak kom die oggend by Shell Voorbaai bymekaar en vertrek dan om 07:15 daarvandaan na die Garden Route Mall op George.
Van hier word daar om 09:00 na Glentana gery en dan kuslangs tot by Klein Brak, dan na Hartenbos en om Die Punt. Hiervandaan word die pad na Bartelsfontein gevat waar vir 'n lekker braai gehou sal word.
Eie vleis, eetgerei en drinkgoed moet saamgeneem word maar roosters, braaiers en hout sal word voorsien word.
Alle voertuie wat aan Sondag se bewusmakingsrit gaan deelneem moet padwaardig wees en alle padreëls en regulasies moet volkome nagekom word.
‘Ons bring jou die nuutste Tuinroete, Hessequa, Karoo nuus’
