MOSSELBAAI NUUSFLITS - Moedelose inwoners van Mosselbaai wat afhanklik is van maatskaplike toelae, maar by wie daar glo elke maand debietorders afgetrek word waarvoor hulle nie toestemming gegee het nie, het gister, Vrydag 12 Maart, met verskeie rolspelers in die D'Almeida gemeenskapsaal vergader.
Verteenwoordigers van Kinder- en Gesinsorg, SASSA, Blacksash en Emerald Life was teenwoordig.
Die Streeksbestuurder van Blacksash, Colleen Ryam het die vergadering geopen waarna sy die sowat 100 mense uitgenooi het om hul klagtes oor die mikrofoon te stel. Tragiese verhale van mense wat reeds niks het nie en as die armste van die arm beskryf kan word, en vir wie elke sent regtig tel, maar by wie daar steeds sonder hul toestemming debietorders afgaan, het die oggend ontvou.
In sommige gevalle sê die SASSA-begunstigdes dat geld vir elektrisiteit, selfoonlugtyd en begrafnisdekking van die skamele R1600 toelaag wat hulle ontvang, van hul rekeninge gedebiteer word - sonder dat hulle toestemming gegee het.
Een man het vertel dat daar elke maand lugtyd van sy rekening afgaan, maar dat hy nie eens 'n selfoon besit nie.
Ander klagtes was dat inwoners vir begrafnisdekking betaal waarvoor hulle na bewering nooit toestemming gegee het nie.
Hierdie man het vertel dat lugtyd maandeliks van sy rekening afgetrek word maar dat hy nie eens 'n selfoon besit.
'Ons bring jou die nuutste Mosselbaai, Tuinroete nuus'
