MOSSELBAAI NUUS - Loretta Scheepers praat met gesag oor sosiale euwels, want sy praat uit dure ondervinding. Sedert 2009, het sy haar vinger op die pols van hierdie tendense en probeer as Laylo Entertainment, soos baie mense haar ook ken, deur middel van konstruktiewe programme, om die jeug in verskeie areas van Mosselbaai beter toe te rus.
"Toe ek die eerste keer 'n skoonheidskompetisie aangebied het, het ek nie eens geweet dit sit in my broek nie," vertel sy, maar nou bied sy reeds Mej Asla, Mej Uitbreiding 8, Mnr en Mej Mosselbaai, asook haar jongste projek, Mej Kleinbrak, aan.
Maar hoekom skoonheidskompetisies?
"Elke dogter het die reg het om soos 'n prinses te lyk en te voel, al is dit dan net vir een keer in haar lewe."
In teenstelling hiermee, verdien geen vrou, aldus Loretta, om verkrag en vermoor te word nie.
Met die tragiese gebeure in Powertown, waar twee tienermeisies, Lesley-Anne Maya (17) en Bonique Jansen (15), onderskeidelik in April en Junie vanjaar as vermis aangemeld en toe vermoor gevind is, het Loretta besluit dat daar dringend werk binne dié gemeenskap gedoen moet word.
Só is die program, wat sy noem Stop Raping and Killing Our Youth Safety Awareness Program, gebore.
"Die kinders was bang en die ouers was suspisieus, maar ek het myself heelhartig gedurende die hele skoolvakansie commit. Selfs geryloop om in Powertown te kom. Maar ek het 'n boodskap gehad, want ek weet hoe dit voel."
Vir Loretta, was dit dié keer persoonlik. As skoolgaande meisie is sy een aand, pas terug by die huis na 'n skof as kelnerin, deur volwasse mans oorval.
"Iets is by my gesteel daardie aand, selfs al het ek verkragting ontkom. Selfs in my skoolwerk, waarop ek so trots was, het ek al min-der belang gestel."
By 'n partytjie enkele jare later, was sy minder gelukkig. Volgens haar vertelling, blyk dit asof daar 'n iets in haar drankie gegooi is.
"Ek kon en kan tot vandag toe niks onthou nie, net die pyn die volgende dag."
Toe ek later op my spore teruggaan, mense gaan vra wat ook by die partytjie was, het sy wel agter die waarheid gekom. 'n Waarheid wat haar glo vandag nog volg.
"Die gemeenskap is klein. Mense vergeet nie, hulle herinner jou en bespot jou selfs," vertel sy.
'n Derde keer was sy die slagoffer van seksuele geweld aan die hand van 'n bekende. Dié keer het die gereg sy gang gegaan, alhoewel dit volgens Loretta, nie noodwendig vir 'n slagoffer heling bring nie.
Gedurende die aanbied van haar program in Powertown, het sy die tienermeisies aangesê om as verantwoordbare mentors vir die jonger dogters op te tree.
"Ek wil sien dat dogters en jong vroue vir hulleself kan opstaan. Hulle moet praat en ophou stilbly."
Sy het 'n praktiese toepassing hiervan in Powertown agtergelaat na die Mej Kleinbrak-geleentheid.
"As die ou vir jou sê kom en jy't klaar 'nee' gesê en hy raak aan jou, dan blaas jy daai fluitjie."
ARITIKEL: CORNELLE CARSTENS, MOSSEL BAY ADVERTISER - JOERNALIS
'Ons bring jou die nuutste Mosselbaai, Tuinroete nuus'
