MOSSELBAAI NETBALNUUS - Die A-spanne van Hoërskool Punt het die afgelope naweek aan die Bellville-netbaltoernooi deelgeneem en baie goed gevaar.
Die o/14-span wen teen Hoërskool Hottentots Holland, La Rochelle, De Kuilen, Bredasdorp en Sentraal (Beaufort-Wes) en verloor teen Hoërskool Stellenberg.
Die o/16-span wen teen Hoërskool Hottentots Holland, Stellenberg en Bredasdorp. Hulle speel gelykop teen La Rochelle.
Die o/17-span wen teen Hoërskool Hermanus, La Rochelle, Porterville en Stellenberg. Hulle speel gelykop teen Hoërskool Brackenfell.
Punt se eerstespan wen teen Hoërskool Bredasdorp, Hottentots Holland en La Rochelle en verloor teen Hoërskool Bellville.
Punt sê baie dankie aan hulle borge (Just Property, TMK Landmeters, Du Toit Lambrechts Inc., Seesig Motors, Hartenbos Slaghuis, AG Projects en Esselens & Vennote) wat dit vir die leerders moontlik maak om hierdie toernooie by te woon en so te kan groei in sport.
'Ons bring jou die nuutste Mosselbaai, Tuinroete nuus'
