Update
MOSSELBAAI NUUS - Die hofverrigtinge in die verkragtingsaak teen ’n pastoor van Mosselbaai duur vandag, Dinsdag 10 Maart, voort.
Die beskuldigde, Fostino Jacobs, is ’n pastoor van die Lighthouse Assembly of God, en is in Oktober 2022 op aanklagte van verkragting in hegtenis geneem.
Hy is op borgtog vrygelaat en het onskuldig gepleit.
In 2021 is ’n vrou (22), wat tóé nog op hoërskool was, na bewering deur die beskuldigde verkrag - insluitende by die kerk.
Vanoggend het studentewelstandsbeampte Nadia Fredericks van Hoërskool Sao Bras in die hof getuig en teksboodskappe as bewys aangebied.
Die boodskappe dui daarop dat Jacobs se vrou by verskeie geleenthede probeer het om met die slagoffer te vergader.
Die verdediging het die boodskappe se datums en tye bevraagteken, maar almal is deur middel van afdrukke bevestig.
Die verrigtinge sal vanmiddag hervat word met die getuienis van ’n maatskaplike werker wat van die begin af by die saak betrokke was.
Vorige artikels:
- Mosselbaai-pastoor in hof op klagte van verkragting
- Rape trial of pastor enters second day
- Pastoor se saak uitgestel vir kruisverhoor
- Slagoffer van beweerde verkragting deur pastoor getuig agter geslote deure
‘Ons bring jou die nuutste Tuinroete, Hessequa, Karoo nuus’
