HARTENBOS NUUS - Die Hartenbos NG-gemeente het die opening van 'n nuwe liefdadigheidswinkel op Donderdag, 26 September, herdenk.
Bekend as Kosi Baia, het dié kerk die verkope van tweedehandse klere aanvanklik vanuit 'n slaghuis op Hartenbos behartig.
Nou is daar 'n aangewese ruimte beskikbaar vir die verkoop van verskillende tweedehandse items vir die Hartenbos/Mosselbaai-gemeenskap.
Die naam Kosi Baia sny ook albei kante toe: dit kos nie baie om te kom koop nie, maar dit kos ook nie baie om te gee nie.
Die winkel is geskep deur Alida du Plessis en Elna de Wet, die oorlede vrou van dominee Dawid de Wet van die Hartenbos gemeente.
Die projek is aanvanklik begin deur met klereskenkings deur die Brandwonde-eenheid na die Tygerberg-hospitaal te stuur.
Met een van die skenkings, het is die idee in die lewe geroep om ook die Hartenbos/Mosselbaai-gemeenskap te betrek en te ondersteun.
Op 26 September 2010, het die eerste Kosi Baia sy deure oopgegooi. Die gebou was egter so klein dat die sortering van die skenkings buite gedoen moes word - onder 'n plastiek tafeldoek waarna die items weer binne uitgestal is vir verkope.
Ina Bredenkamp het tussen 2017/2018 by Elna oorgeneem. In 2019, is die eerste voorlegging vir Kosi Baia se eie gebou gedoen en vyf jaar later is dit nou 'n werklikheid.
Kosi Baia het in 2020/2021 na 'n gedeelte van die Hartenbos-gemeente se kerksaal verskuif.
Die gemeente se gebruik van lidmaatskap het die gebruik van die kerksaalruimte genoodsaak en in Julie 2024, het die nuwe gebou se bouproses op die NG Hartenbos-kerkterrein begin.
Tans is Kosi Baia deel van die Diaconia-bediening van die gemeente, wat verantwoordelik is vir sorgwerk binne die gemeente.
Kosi Baia ontvang skenkings van gemeentelede en die breër gemeenskap wat items skenk wat voorheen aan verlore geliefdes behoort het.
Met die fondse wat ontvang word, word 'n finansiële bydrae gemaak tot die voorsiening van kospakkies, wat maandeliks aan behoeftiges uitgedeel word.
‘Ons bring jou die nuutste Tuinroete, Hessequa, Karoo nuus’
