MOSSELBAAI NUUS - Jaarliks, vanaf 25 November tot 10 Desember, word ’n beroep op Suid-Afrikaners gedoen om vir 16 dae geweld teenoor die weerloses in ons gemeenskappe te staak.
Alhoewel die veldtog internasionaal veral op geweld teenoor vroue fokus, is die hoë voorkoms van geweld teen kinders in ons land, kommerwekkend.
’n Wit strikkie simboliseer draers daarvan om nie geweld teen weerloses te pleeg of goed te keur nie en standpunt in te neem teen geweld.
Just Property in Mosselbaai steun hierdie veldtog en wil inwoners uitnooi om betrokke te wees deur die skenking van noodsaaklike behoeftes vir vroue en kinders wat in gewelddadige omstandighede, hul daaglikse bestaan voer.
Items wat benodig word, is die volgende:
· Babadoeke· Sanitêre doekies
· Hande- en lyfroom
· Melkformules vir kinders
· Klerasie vir moeders, kinders en babas tot ses maande
Die items kan na die kantoor van Just Property in Marshstraat gebring word waar ’n houer beskikbaar sal wees vir die plasing van die items.
Die items wat versamel is, sal dan na onderskeie punte geneem word vir oorhandiging aan persone wat geïdentifiseer is deur die sosio-ekonomiese afdeling van die Mosselbaai Munisipaliteit en ander organisasies.
Vir meer inligting kan Madeleine Taute gekontak word (076 039 0867) of die kantoor (044 690 5002).
'Ons bring jou die nuutste Mosselbaai, Tuinroete nuus'
