Sponsored Content
SAKENUUS - Laerskool Hartenbos is 'n gevestigde en trotse opvoedkundige instelling in die hart van Hartenbos. Met 'n geskiedenis van meer as 122 jaar bied die skool 'n dinamiese leeromgewing waar akademie, sport en kultuur hand aan hand ontwikkel.
As een van die grootste skole in die streek vorm Laerskool Hartenbos die hartklop van die gemeenskap.
Ons leerders presteer uitstekend op verskeie terreine. Op sportgebied neem atlete gereeld aan provinsiale en nasionale byeenkomste deel, wat die skool se sterk sporttradisie bevestig. Kultuur geniet eweneens hoë prioriteit, en vanjaar word 'n grootskaalse revue aangebied waarin al die graad 4 tot 7-leerders betrokke is.
Hierdie projek beklemtoon die kreatiwiteit, samewerking en entoesiasme van ons skoolgemeenskap.
Die musiekdepartement groei voortdurend en bied opleiding in 'n verskeidenheid instrumente, insluitend perkussie. Hierdie uitbreiding skep waardevolle geleenthede vir leerders om hul musikale talente te ontwikkel en aktief aan die kulturele lewe van die skool deel te neem.
Onder die bekwame leiding van mnr. Van Huyssteen, die bestuurspan en 'n toegewyde personeelkorps word gehalte onderrig, karaktervorming en volhoubare ontwikkeling nagestreef.
By Laerskool Hartenbos glo ons daarin om elke leerder toe te rus om sy of haar volle potensiaal te bereik.
Die skool se leuse vir 2026, 'Maak golwe van sukses', weerspieël hierdie visie. Dit moedig elke Dolfyn aan om met selfvertroue sy of haar eie golwe te maak, uitdagings te oorkom en saam 'n sterk en suksesvolle toekoms te bou.
Laerskool Hartenbos personeel.
‘Ons bring jou die nuutste Tuinroete, Hessequa, Karoo nuus’
