Barbarians druk 9 drieë in segetog oor Silver Stars

MOSSELBAAI RUGBY NUUS - Barbarians het op die D'Almeida-sportterrein nege drieë gedruk in hul oortuigende oorwinning van 57-30 oor Silver Stars.

Wahlon Anthony (plaasvervanger-heelagter, 2), Shario Rosenkrantz (buitesenter), Justin Bhana (heelagter), Jerome Fillies (regtervleuel), José Pietersen (linkervleuel), Macdelin Saayman (losskakel), Aden Jones (flank) en Morné Buis (plaasvervanger-skrumskakel) is oor vir drieë vir die wenspan. Saayman klits ook 'n doelskop oor en Ralton Ocktober (plaasvervanger-binnesenter) slaag met vyf doelskoppe.

Vir Silver Stars is Henwico Stal (senter) Martin Mangango (losskakel), Julian Johnson (slot) en Johannes Olivier (stut) oor vir drieë. Stal slaag ook met twee doelskoppe en strafdoel en Henrico Scott (heelagter) klits ook 'n strafdoel oor.

Progress
Progress se vlugvoetige heelagter, die 23-jarige Cameron Lentoor, het Saterdagmiddag uitstaande spel gelewer teen Groot-Brakrivier op die Rosemoor-sportterrein.

Progress, wat nog die voorloper in die Premierliga-rugbykompetisie van die SWD is, het die kragmeting met 34-13 gewen. Rustyd was hul reeds met 22-13 voor.

Vir Groot-Brakrivier het Anroy Roelfse (agtsteman), Byroll Stuurman (flank) Friedl Muller (slot), Ronwen Agent (skrumskakel) en Ashwill Frans (losskakel) die oog gevang.

Ethan Williams, Carlton Dee Coeries, Christo du Plessis en Brainton Booysen (haker) het die wenspan se ander drieë gedruk. Fredericks slaag ook met drie doelskoppe en 'n strafdoel.

Winrich Kennedy (loskopstut) het die besoekers se enigste drie gedruk. Roshwin Abrahams (heelagter) slaag met die doelskop en klits nog twee strafdoele oor.

Roshwin Abrahams, heelagter, het vir Groot-Brakrivier 'n doelskop en twee strafdoele oorgeskop. Foto's: Anton Gericke

Crusaders
Crusaders het op die Parkdene-sportterrein sy posisie verstewig op die punteleer met hul oorwinning van 26-24 oor Evergreens.

Bridgton
Bridgton het vir Maori's op die Heidedal-sportterrein in 'n naelbytstryd met 33-28 geklop.

Heidelberg
Heidelberg het op sy tuisveld vir Blanco met 38-7 geklop.

Anroy Roelfse, agtsteman van Groot-Brakrivier (links), word deur drie verdedigers van Proress omsingel in Saterdagmiddag se kragmeting in die Rosemoor-stadion. Progress het met 34-13 gewen. Foto's: Anton Gericke