MOSSELBAAI NUUS - Drie B-afdeling wedstryde in die Mosselbaai Toyota / Spec Savers Aandligakrieket is die afgelope week gespeel, wat die liga nader aan die einde bring en 'n opgewonde atmosfeer onder die spelers laat heers om te sien wie in die die finaal gaan speel.
Gags wen die loot en laat Frameless Glass eerste kolf. Frameless verloor hulle eerste paaltjie in die eerste boulbeurt vir net 3 lopies op die telbord.
Hulle teken uiteindelik 125/10 in hul toegelate 25 beurte aan, met F Brown 32* en C Dynes 20 die beste lopiemakers.
Cassie Marx 3/8, E Meyer 2/14 en vyf ander boulers neem die paaltjies, met D Honnibal wat drie vangkanse benut.
Gags spring vinnig weg met Cassie Marx voor die paaltjies, maar verloor ook vining paaltjies nadat Cassie 40* gemaak het.
Hulle verloor 4 paaltjies vir net 5 lopies en toe weer 3 paaltjies vir 4 lopies, maar slaag daarin om 95/9 in 16 boulbeurte aan te teken. D Honibal 21 en L de Beer 18 was die ander beste lopiemakers. T Barnard 4/6 en N Alberts 3/17 was die beste paaltjienemers.
Cassie Marx is as die Jakkalsvlei Kelders speler van die wedstryd aan gewys.
Thunderbolts het eerste gekolf en teken 124/9 in hulle 25 boulbeurte aan. Hulle verloor paaltjies 3, 4 en 5 vir ‘n venootskap van 17 lopies. D Theron 39* staan vas en neem die telling na 124/9. J Scholtz 2/8 en L van der Berg 2/9 was die beste boulers vir Korrektiewe Dienste.
Korrektiewe Dienste verloor hul eerste paaltjie van die derde bal van die eerste boulbeurt vir 0.
Goeie boulwerk deur Thunderbolts beperk hulle tot 63/10. J Scholtz 21 was die engiste merkwaardige kolwer vir sy span.
H Visser 2/1, D Theron 2/3 en A Lewis 2/6 was die beste boulers en paaltjienemers vir Thunderbolts.
D Theron is as die Jakkalsvlei Kelders speler van die wedstryd aan gewys.
In die tweede laatste wedstryd in die hierdie afdeling besluit Whalers weer om eerste te kolf met wat beskou word as Whalers se sterkste span, maar dit is net die eerste kolwers wat lopies kon aanteken.
Whalers verloor 8 van hulle paaltjies vir 22 lopies. Net H Benn (jnr) 33 en C Asencao 31* kon behoorlike lopies aanteken.
C Dynes 3/6 en C Brown 3/7 was die beste boulers vir die Frameless-span.
Frameless sukkel ook om die lopies aan te teken en bereik die wentelling in 23ste boulbeurt met die verlies van 8 paaltjies. L le Roux 25, W Duram 14 en C Dynes 16* was die beste lopiemakers vir die span.
Turbo Marx 4/18 maak amok onder die span van Frameless met die hulp van vier ander boulers wat elk ‘n paaltjie geneem het.
Turbo Marx is as die Jakkalsvlei Kelders speler van die wedstryd aan gewys.
Met die oorwinning vir Frameless Glass gee dit hulle die kans om in die finaal te speel. Hulle klop Mosselbaai Korrektiewe Dienste met ‘n halwe punt.
1. Thunderbolts 119
2. Frameless Glass 117
3. Mosselbaai Korrektiewe Dienste 116.5
Met die B-Afdeling amper iets van die verlede met nog een wedstryd wat nog gespeel moet word, naamlik Whalers teen Gags vanaand (Vrydag).
Hierdie wedstryd sal nie die puntestand beïnvloed nie en vind die finaal tussen Framless Glass en Thunderbolts op Maandag, 16 Maart plaas.
Die finaal in die A-afdeling vind Woensdagaand, 18 Maart tussen Titans en Sussex plaas. Almal is welkom om die twee wedstryde by te woon en die spanne te ondersteun.
Cassie Marx, Jakkalsvlei Kelders speler van die wedstryd, ontvang sy prys van Eric Strecker.
Turbo Marx, Jakkalsvlei Kelders speler van die wedstryd, ontvang sy prys van Mark Golden.
'Ons bring jou die nuutste Mosselbaai, Tuinroete nuus'
