TUINROETE | HESSEQUA SPORTNUUS - Hartenbos Drawwers bied op Saterdag, 19 Desember die Gouritshond-wedloop oor 10km aan.
Die wegspringpunt is vanaf die Gouritsmond-gemeenskapsaal en geen toeskouers word toegelaat nie.
Mans atlete wat aan die 10 km wedloop deelneem spring om 07:00 weg en die vroue om 07:15. Inskrywingsgeld beloop R95 per atleet. Atlete wat oor 'n lisensienommer beskik betaal slegs R60.
Die sluitingsdatum vir inskrywings is 17 Desember. Geen inskrywings word op die dag aanvaar nie.
Covid-19-regulasies sal streng by wedloop toegepas word. Wanneer 'n atleet aanmeld moet hy/sy 'n masker dra en sal hul temperatuur geneem word. Geen prysuitdeling sal plaasvind nie en atlete wat pryse wen sal 'n vorm moet invul sodat prysgeld in hul rekening inbetaal kan word.
Vir enige navrae kontak Petro Nel by hartenbosdrawwers1@gmail.com of 072 259 6759.
'Ons bring jou die nuutste Tuinroete, Hessequa nuus'
