MOSSELBAAI NUUS - Twee vroue het besluit om ’n lang tog deur Suid-Afrika aan te pak, slegs gewapen met stewige skoene, massiewe staprugsakke en hul eie vasberadenheid.
Dié twee vriende het van Mpumalanga af ’n reis deur die land na Kaapstad aangepak - met dapper en stapper! - en op Maandag, 12 Mei, op Mosselbaai kom halt.
Aimée MacDonald (34) en Sasha Holm (35) het vir Mossel Bay Advertiser gesê hulle stap hierdie tog al sedert September - vir solidariteit met die geslagsgebaseerde geweld (GGG) -krisis wat Suid-Afrika in die gesig staar.
GGG verwys na vorme van mishandeling wat fisiese, emosionele, verbale en sielkundige mishandeling insluit; ekonomiese mishandeling, intimidasie, teistering, agtervolging en beskadiging van eiendom.
GGG raak vroue en meisies buitensporig meer as mans en seuns, en is ’n sistemiese kwessie in Suid-Afrika.
“Alle vroue, ongeag ras of klas, het die een of ander vorm van GGG ervaar,” het die paartjie gesê. “Ons wou ’n boodskap van ondersteuning deel. Dié stap is ’n ‘staptoer van herstelling’,” sê MacDonald en Holm.
Die vroue, wat albei oorspronklik van Nature’s Valley in Plettenbergbaai is, het vier jaar gelede ontmoet en deel sedertdien hul liefde vir reise.
Die stap was aanvanklik as ’n fietstoer beplan, maar omdat hulle nie fietsborgskappe kon kry nie, het hulle eerder snaar en tamboer in die pad geval - dit wil sê, te voet.
Baie beplanning moet voor ’n reis van dié aard geskied, maar Holm-hulle sê tog iets onverwags duik maar nog altyd op - soos die hantering van ’n septiese voet. “Gelukkig het ons daardie dag ’n verpleegster ontmoet wat gehelp het om dit te behandel,” het MacDonald gesê.
Hulle bly gewoonlik in die een of ander akkommodasie vir die nag - as hulle enigiets kan kry. Indien nie, geen kommer - ’n betroubare tent kom dan vanuit ’n rugsak tevore, en dit deug gewoonlik.
Enige geld wat hulle gedurende die reis gegee word, gaan aan gemeenskapsprojekte binne die gemeenskappe waardeur hulle op daardie tydstip gaan.
Toe hulle gevra is hoe hulle dit hanteer om mense te ontmoet wat self deur GGG is, het Holm gesê: “Daar is baie genesing in die ontmoeting en interaksie met hierdie mense, so swaar soos wat GGG kan wees.”
Vir hul volgende avontuur dink hulle daaraan om ’n fietstoer te doen om bewustheid vir mans se geestesgesondheid te verhoog.
As iemand wil bydra tot Holm en MacDonald se projekte, besoek hul webwerf, storiesinbetween.co.za, vir meer besonderhede.
‘Ons bring jou die nuutste Tuinroete, Hessequa, Karoo nuus’
