GROOT-BRAKRIVIER NUUS - Alle inwoners van die groter Mosselbaai word na die 16 dae van aktivisme-geleentheid in Groot-Brakrivier genooi wat moremiddag, Sondag, 30 November by die AGS Greenhaven plaasvind.
Sers. Lauriane Botha van die Groot-Brak-polisie sê om die 16 dae van aktivisme by te woon help jou om bewus te word van geweld teen vroue en kinders.
Dit help verder om steun te wys vir slagoffers, jou gemeenskap te versterk, en aktief deel te wees van verandering en respek in jou omgewing, sê sy.
Die geleentheid begin om 14:00. Die tema is: "Raising the Voices - Restoring Hope".
Inwoners word aangemoedig om iets pers aan te trek en ook hul kinders saam te bring na die gebeure. Gassprekers sal afgevaardigdes van die Mosselbaai-munisipaliteit asook die Wes-Kaapse departement van maatskaplike ontwikkeling insluit.
‘Ons bring jou die nuutste Tuinroete, Hessequa, Karoo nuus’
