GROOT-BRAKRIVIER NUUS - ’n 24-jarige man is gisteraand, Vrydag, 28 November, in ’n motorongeluk in Amy Searlestraat, Groot-Brakrivier oorlede.
Volgens sers. Lauriane Botha, woordvoerder vir die polisie in Groot-Brak, het die ongeluk rondom 23:00 plaasgevind en slegs een voertuig was betrokke.
Daar was drie ander insittendes in die voertuig. Een het ernstige beserings opgedoen en die ander twee ligte beserings, sê Botha. Hulle is na Mosselbaai-hospitaal geneem vir mediese sorg.
Die oorledene se identiteit is nog nie bekendgemaak nie.
Die oorsaak van die ongeluk is nog nie bekend nie.
‘Ons bring jou die nuutste Tuinroete, Hessequa, Karoo nuus’
