MOSSELBAAI NUUS - Meer as 200 onderwysers vanuit die Sentraal-Karoo- en Eden-distrik het gedurende die naweek blootstelling gehad aan meer kreatiewe en innoverende maniere om wiskunde te gee.
Die algemene terugvoering van die onderwysers was dat hierdie intensiewe Woeker met Wiskunde-konferensie, hulle beslis bemagtig het om die vak voortaan meer toeganklik en ook meer pret vir hulle leerders te maak. Onder-wysers vanaf Albertinia, Beaufort West, George, Knysna, Mosselbaai, Oudtshoorn, Prince Albert, Murraysburg, Ladismith, Laingsburg en Plettenbergbaai was teenwoordig.
Die Woeker met Wiskunde-konferensie is aangebied deur die Stigting vir Bemagtiging deur Afrikaans (SBA) en PetroSA in Mosselbaai en is vanaf 31 Julie – 1 Augustus aangebied by Hoërskool Sao Bras, waartydens die jongste onderrigmetodiek en tegnieke in 'n verskeidenheid van lesings en werkswinkels bespreek is.
"Ons erken die belangrikheid van moedertaalonderrig en daarom is die besprekings aangebied in Afrikaans, Engels en ook isiXhosa," het SBA-voorsitter, dr Dirk Brand, tydens sy ope-ningsrede gesê Vrydagmiddag.
"Die doelwit van Woeker met Wiskunde is om die belangrikheid van wiskunde-onderrig te beklemtoon, maar ook om onderwysers te motiveer en weer opgewonde te maak oor hulle vak, sodat hulle met praktiese idees terug na die klaskamer kan gaan."
Dr Brand het verduidelik dat sy organisasie die Woeker met Wiskunde-projek ondersteun ten einde die groot behoefte in Suid-Afrika vir meer wiskunde-leerders en –onderwysers, asook studente wat die vak, sowel as rekenaarwetenskap en -tegnologie op universiteitsvlak bestudeer, te bevredig.
"Die SBA wil graag 'n bydrae lewer tot die verbetering van vaardighede by wiskunde-onderwysers, juis sodat hulle leerders beter kan toerus. Bemagtiging in wiskunde ontsluit die potensiaal van leerders om wiskunde nie net beter te begryp nie en om dit te bemeester nie, maar om die logika te snap, die dissipline en ook die dinkvaardighede wat in ander dissiplines aangewend kan word," het dr Brand verduidelik.
"'n Goeie wiskunde-onderwyser kan die vaardighede ontwikkel van 'n toekomstige Einstein."
PetroSA se streeksbestuurder van Korporatiewe Sake in Mosselbaai, Russel Mamabolo, het gesê dat alhoewel die maatskappy tans finansieël onder groot druk verkeer, dit Woeker met Wiskunde ondersteun omdat die maatskappy sy verantwoordelikheid teenoor opheffing in die gemeenskap ernstig opneem.
Lesings en werkswinkels het die Grondslag-, Intermediêre, Senior en Verdere Onderwys- en Opleidingsfases gedek. Dit het onder meer onderwerpe ingesluit soos hoofrekene, meting en herleiding van mates, die wiskundige brein, meetkunde en driehoeksmeting.Onderwysers het hulle erva-ring van die sprekers as ''n inspirasie' beskryf.
Mluleki Manqunqa of Mandlenkosi Sekondêre Skool in Beaufort-Wes was baie beïndruk met die sessies wat die gebruik van kommunikasie tegnologie as onderrighulpmiddels gedek het.
"Ons het geleer dat ons WhatsApp kan gebruik om leerders 24/7 toegang tot onderrig-hulpbronne te gee. Hulle kan ook vrae vra en antwoorde kry deur hierdie eenvoudige fasiliteit. Die konferensie het ons blootgestel aan soveel maniere om wiskunde-onderrig te verryk. Ek gaan huis toe met 32G se opvoedkundige materiaal."
Helen Broadway van Van Reede Laerskool in Oudtshoorn meen dat wiskunde-onderrig baie gestruktureerd geword het en dat die meer kreatiewe benadering baie verfrissed is.
Sy het die werkswinkel The Mathematical Brain, aangebied deur Johan van Lill, besonder geniet, gedagtig aan die feit dat leerders oor verskeie vorme van intelligensie beskik.
"Ek is sommer opgewonde om weer wiskunde te gaan gee," het Elmarie Smit van Klipfontein Laerskool in Albertinia vertel. Sy het die vars perspektief op wiskunde-onderrig en praktiese idees veral nuttig gevind.
Vir meer oor die SBA, bersoek www.afrikaans.com
Johan van Lill, bekende onderwyskundige, opleier, skrywer, media-entrepreneur, radioaanbieder en motiveringspreker, het sessies aangebied tydens die Woeker met Wiskunde-konferensie, geborg deur PetroSA en aangebied deur die Sentrum vir Bemagtiging deur Afrikaans.
Johan van Lill fasiliteer 'n interaktiewe sessie tydens die naweek se Woeker met Wiskunde-konferensie, aangebied deur die Stigting vir Bemagtiging deur Afrikaans en geborg deur PetroSA. Meer as 200 wiskunde-onderwysers het die geleentheid bygewoon. Foto: Tersia Marais
Mnr Kobus Fielies van Hoërskool Sao Bras lewer 'n bydrae tydens die Open Space Technology-sessie, waartydens struikelblokke in wiskunde-onderrig die naweek bespreek is. Agter hom staan een van die aanbieders, Johan van Lill, wat names die Stigting vir Bemagtiging deur Afrikaans die woeker met Wiskunder-konferensie aangebied het. Foto: Tersia Marais
ARTIKEL: CORNELLE CARSTENS, MOSSEL BAY ADVERTISER JOERNALIS
'Ons bring jou die nuutste Mosselbaai, Tuinroete nuus'
