GROOT-BRAKRIVIER NUUS - Twee verdagtes wat na bewering 'n 56-jarige vrou van Groot-Brakrivier in haar huis in Augustus verlede jaar aangeval het, het op Woensdag, 10 Junie in die Mosselbaai Streekhof verskyn.
Die mans, Joseph Motlomelo en Lionel Kennedy, is kort na die voorval deur lede van die Groot-Brakrivier Polisiestasie gearresteer.
Die slagoffer is op die betrokke dag deur die verdagtes verras toe hulle haar na bewering binne haar huis in Sandhoogtestraat van agter af aangeval het.
Die verdagtes het na bewering aangedring op kontant en waardevolle items en die vrou ernstig aangerand en met 'n mes in haar nek gesteek.
Hulle het onder meer met 'n groot bedrag geld gevlug.
Die mans bly sedert die inhegtenisneming in aanhouding en verskyn weer op 25 Junie in die hof.
Vorige artikels:
- Opvolg: Aanval en roof op Groot-Brak-vrou
- Opvolg: Aanvaller in Groot-Brak-huisroof vas
- Vrou van Groot Brak aangerand in huisroof
ARTIKEL: LOUISE KARSTEN, MOSSEL BAY ADVERTISER - JOERNALIS.
'Ons bring jou die nuutste Mosselbaai, Tuinroete nuus'
