MOSSELBAAI NUUS - Die jaarlikse opedag van die plaaslike NSRI-stasie het verlede Saterdag plaasgevind.
Die bemanning was vroeg reeds gereed om die besoekers te verwel-kom en inligting oor die werking en prosedures van die NSRI te verskaf.
Die hoogtepunt van die dag was dat besoekers op die bote te kon uitgaan. Sowat 170 besoekers het van die geleentheid gebruik gemaak en daar is letterlik tougestaan vir die volgende rit.
Die aantal besoekers het bykans verdubbel teenoor verlede jaar en volgens stasiebevelvoerder André Fraser, was dit verblydend om te sien hoeveel die inwoners omgee vir en belangstel in die werksaamhede van die NSRI. Verskeie kompetisies is deur die loop van die dag aangebied en die pryswenners is soos volg:
- Ronel Cloete - "Hero of the Day" – haar prys is dat sy 'n hele dag saam met die bemanning kan spandeer om te sien wat hulle alles doen. Beryl Jungmann - wenner van 'n week by die McGregor Huis.
- Rodney - 'n week by die McGregor Huis.
- C van Wyk - 'n naweek by die McGregor Huis.
- Quintus Deacon - 'n naweek by die McGregor Huis.
- Andiswa Dube - geskenkpak
- Sybrand van der Spuy - geskenkpak
In 2004 het Brenda Wintgen haar kothuis, McGregor House, in McGregor aan die NSRI geskenk. Hierdie pragtige tweeslaapkamerhuis in 'n pragtige tuin, is ver genoeg van die see sodat NSRI-bemanning en hulle families daar kan gaan ontspan.
Die besoekers en inwoners word bedank vir hulle getroue ondersteuning en die NSRI staan gereed om in die komende seisoen alle noodgevalle te hanteer.
ARTIKEL EN FOTO: TERSIA MARAIS
'Ons bring jou die nuutste Mosselbaai, Tuinroete nuus'
