MOSSELBAAI NUUS - Die VF Plus het die volgende persverklaring uitgeryk:
Die bedanking van die munisipale bestuurder was ‘n groot skok vir die gemeenskap van Mosselbaai, veral as gelet word op die indrukwekkende lys van wat sy bereik het in die tydperk wat sy in diens was.
Die burgemeester se reaksie in die media dat dit ‘n groot verlies vir die dorp is om iemand soos dr Michele Gratz te verloor en dat sy haar prys vir wat sy vir die dorp beteken het, blyk nou vals te wees as gekyk word na die jongste verwikkelinge.
Die skokkende optrede van die burgemeester om die munisipale bestuurder eensydig opdrag te gee om haar kantoor voor 10:00 te ontruim, kom neer op 'n summiere afdanking wat, indien dit wel so is, daarop neerkom dat dr Gratz haar dus moontlik skuldig gemaak het aan ernstige oortredings wat verskeie ander regs- en finansiële implikasies tot gevolg kan hê.
Indien dr Gratz nie skuldig is aan enige ongerymdhede nie, is die optrede van die burgemeester ‘n klad op haar goeie naam en moet dit vir haar ‘n ontsettende groot vernedering wees.
Die onmiddellike eensydige aanwysing van ‘n waarnemende munisipale bestuurder in haar plek bring onnodige en ongemagtigde uitgawes vir die belastingbetaler mee en dit laat nuwe vrae oor die aangeleentheid ontstaan.
Die burgemeester ag dit goed om net sekere raadslede by sake te betrek en weerhou ook inligting van die publiek wat beide ‘n oortreding van die gedragskode vir raadslede is. Die belastingbetaler is geregtig om te weet wat in die raad aangaan, aangesien hulle belasting betaal wat dr Gratz se salaris insluit.
• Dr Gratz is moontlik skuldig aan ernstige oortredings en behoort dissiplinêr verhoor te word.
• Dr Gratz hou moontlik 'n bedreiging in vir die burgemeester. Gerugte doen die rondte dat dr Gratz in die verlede verskeie klagtes teen die burgemeester ingedien het. Die burgemeester moet hieroor klarigheid gee.
• Dr Gratz dus die burgemeester en die raad manipuleer wat ‘n ongesonde praktyk is.
• Dr Gratz is nie geregtig op prestasiebonusse nie.
• Die burgemeester is moontlik skuldig aan oortredings wat op hierdie wyse toegesmeer word.
• Die burgemeester skerm vir haarself en sekere raadslede.
• Die burgemeester tree outokraties op.
• Daar is tweespalt en onmin in die raad wat nie tot voordeel van Mosselbaai is nie.
Hierbenewens doen gerugte doen die rondte dat hierdie net die punt van die ysberg is. Die inwoners van Mosselbaai verdien om die waarheid te weet en daarom word daar ‘n beroep op die burgemeester en dr Gratz gedoen om met al die feite vorendag te kom.
Die tyd het aangebreek dat Mosselbaai nuwe raadslede kies wat die belange van die dorp se inwoners eerste stel.
'Ons bring jou die nuutste Mosselbaai, Tuinroete nuus'
