MOSSELBAAI NUUS - Die Maatskaplike Dienste-afdeling van ACVV Mosselbaai is op soek na belangstellendes wat hulself vrywillig beskikbaar wil stel en betrokke wil raak by die werksaamhede van die tak in Mosselbaai.

"Wees dinamies betrokke by u gemeenskap sodat ons doelwitte na gelang van die gemeenskap se behoeftes kan definieer en binne die riglyne kan bereik."

Vrywilligers sal oor 'n breë spektrum, en volgens hul belangstellings aanwend word. Die ACVV is op soek na vrywilligers wat hulle kan help met die bestuurder van projekte soos:

• Fondsinsamelings;
• Opvoedkundige uitstappies vir kinders, en om funksies vir hulle te reël;
• Sopkombuise;
• Aanbied van vaardighede (byvoorbeeld skilder, teken, kralewerk, mosaïek, ensovoorts) vir mense binne die ACVV-groep; Aanbied van programme ten opsigte van voorkoming van kindermolestering;
• Vakansieprogramme en kampe vir jeugdiges;
• Programme ten opsigte van bejaardes.

Binne die ACVV-raamwerk vorm u as vrywilliger en opgeleide persoon 'n span wat mekaar aanvul en ondersteun."Dra aktief by tot die oplossings van probleme en bepaal u rol om 'n diens te lewer - stel u self beskikbaar en verander en verryk mense se lewens! Beide mans en vroue is welkom. Kom ons leef ons leuse: "Saam in diens van die gemeenskap" en vat hande om 'n verskil te maak in die lewens van mense in nood.

Vir verdere inligting, kontak Esthe du Plessis by 044 691 1039.