MOSSELBAAI NUUS - Die Stilmonsters van Stilbaai het die afgelope naweek tydens die Eden Rots- en Strandhengel se tweede winterliga-kompetisie, behoorlik skoonskip onder die ander spanne gemaak deur met 155.28 punte vir die dag te seëvier.
Die naaswenners, Clutch Cable van Outeniqua het 71.27 punte behaal.
Die hengel-omstandighede was gunstig met 65 hengelaars wat deelgeneem het. Die totale massa vis wat gedurende die kompetisie gevang is het die skaal op 225.9kg getrek. Om bewaring te bevorder word soveel as moontlik visse weer lewendig teruggeplaas.
Die top hengelaar van die dag was Willie Welman van Stilbaai met 46.56 punte. Alex Schmidt (onder 21) van Triton-hengelklub in Mosselbaai spog met die titel as top junior van die dag met T Baard van George-hengelklub as die top onder 16-hengelaar van die dag.
Nog 'n Mosselbaaier, Peet Mey is die top meester van die dag en Elzaan Cronje die top vrou van die dag.
Die grootste eetbare vis, 'n kabeljou van 2.85kg, is deur André Els van Triton-hengelklub, Mosselbaai gevang terwyl die swaarste oneetbarevis, 'n sloephaai van 23.15kg, deur Willie Welman van Stilbaai gevang is.
Die posisies van die klubs na afloop van die kompetisie, is as volg:
2. Clutch Cable (Outeniqua 1) - 71.27 punte
3. Kadette (George 1) - 65.31 punte
4. Triton 1 (Mosselbaai) - 55.86 punte
5. Barbarians (Stilbaai 1) - 46.03 punte
6. Bosvarke (George 2) - 33.69
7. Mosselbaai 2 - 13.10 punte
8. Mosselbaai 1 - 11.78 punte
9. Triton 2 (Mosselbaai) - 2.38 punte
10. Daisies (Knysna 3) - 1.55 punte
Die top vyf hengelaars van die dag is:
1. W Welman (Stilbaai) - 46.56; 2. AJ de Beer (Stilbaai) - 45.40; 3. X de Beer (Stilbaai) - 29.40; 4. R Potgieter (Stilbaai) - 23.36; 5. W Erasmus (George) - 19.91.
'Ons bring jou die nuutste Mosselbaai, Tuinroete nuus'
