Update
GROOT-BRAKRIVIER NUUS - Die 45-jaar-oue kerkklok wat uit die kerktoring van die Verenigende Gereformeerde Kerk op Groot-Brakrivier gesteel is, is vir R476 aan 'n skrootwerf in George verkoop.
Die waarde van die klok beloop R70 000.
'n Ondersoekbeampte van die Groot-Brakrivier-polisiestasie, sers Lauriane Botha het die klok by die skrootwerf opgespoor.
Botha sê die skrootwerf het gesteelde eiendom gekoop en sal dus aangekla word vir die besit van gesteelde eiendom.
Die saak word verder ondersoek en nog niemand is in verband met die diefstal van die klok in hegtenis geneem nie.
Die klok is onlangs uit die kerktoring gesteel.
Die klok is intussen deur die polisie aan dominee Benjamin Roelfse oorhandig.
Vorige artikel: Gesteelde kerkklok op skrootwerf gevind
'Ons bring jou die nuutste Groot-Brakrivier, Tuinroete nuus'
Vorige artikel: Gesteelde kerkklok op skrootwerf gevind
'Ons bring jou die nuutste Groot-Brakrivier, Tuinroete nuus'
