Noakes verskyn van Maandag af voor die Raad vir Gesondheidsberoepe van Suid-Afrika (RGSA) weens “onprofessionele gedrag en dat sy optrede afwyk van die norme en standaarde van sy beroep”.
Claire Julsing-Strydom, voormalige president van Adsa, het Noakes vroeër vanjaar by die RGSA verkla omdat hy in ’n twiet ’n ma blykbaar aanraai om haar baba met ’n laekoolhidraat-, hoëvet-dieet te speen.
Noakes, ’n algemene praktisyn en sportwetenskaplike, is aktief op Twitter en deel gereeld inligting oor dieet en navorsing
Maryke Gallagher, huidige Adsa-president, sê sy dink die spesifieke twiet het die aandag getrek omdat dit oor kinders gaan, en kinders is kwesbaar.
