KAROO NUUS - Sinazo Mrwetyana is Vrydag 2 Augustus in die landdroshof in Nxuba (Cradock) vir 15 jaar tronk toe gestuur vir poging tot moord na sy erken het dat sy haar suster aan die brand gesteek het.

Luxolo Tyali, woordvoerder van die nasionale vervolgingsgesag, sê die vrou het haar suster, Sindiswa Mrwetyana (41), verlede jaar op 12 November by hul huis in Lingelihle buite Nxuba aangeval oor 'n motorbattery wat Sindiswa uit hulle oorlede moeder se boedel verkoop het.

Sinazo het tydens die hofverrigtinge getuig dat sy nie onder die invloed was tydens die bakleiery nie.

Sinazo het brandspiritus oor Sindiswa uitgegooi en haar toe met 'n brandende sigaretaansteker gedreig. 

Die twee susters het fisies baklei en Sindiswa se kop het vlamgevat. Sinazo het gaan water soek om oor haar suster te gooi, maar Sindiswa het ernstige brandwonde opgedoen.

Lees meer by www.graaff-reinetadvertiser.com

‘We bring you the latest Garden Route, Hessequa, Karoo news’