GROOT-BRAKRIVIER NUUS - 'n Twee-en-twintigjarige man wat gearresteer is vir die moord van 'n graad 11-leerder van die Groot-Brakrivier Sekondêre Skool, verskyn op 17 November in die Mosselbaai-streekhof.
Die man word tot dusver aangekla van die moord, ontvoering en verkragting van een van die meisies, die 17-jarige Lesley-Ann Maya. Lesley-Ann se liggaam is in April verlede jaar tussen riete naby haar huis in Powertown, gevind.
Polisie ondersoek die moontlikheid dat die verdagte ook met die moord van twee ander leerders aan dieselfde skool verbind word. In die eerste voorval is die ontbinde lyk van die 15-jarige Elouise Witbooi in November 2014, 2km van die skool gevind.
'n Vriendin van Lesley-Ann, Bonique Jansen se liggaam is twee maande ná Lesley-Ann se moord, ook in Powertown gekry. Die oorledenes is verwurg.
Op 17 November sal 'n hooggeregshof datum vir Februarie 2017 bepaal word.
Klik hier vir vorige artikels:
- Opvolg: Powertown-moorde
- Powertown-moordverdagte in hof
- Speurder vertel van Powertown-ondersoek
- Man vas vir Powertown-moorde
- Roudiens vir 3 vermoorde tieners
- Inwoners kom op lyk af
- Gemeenskap leef in vrees.
- Urgent community meeting after body found
- Opvolg: Tienermeisie se oorskot gevind
- Nòg 'n tiener uit Powertown vermis
- Nog 'n tienermeisie vermis
ARTIKEL: LOUISE KARSTEN, MOSSEL BAY ADVERTISER-JOERNALIS
'Ons bring jou die nuutste Groot-Brakrivier, Tuinroete nuus'
