GROOT-BRAKRIVIER NUUS - Nog niemand is gearresteer nadat twee tieners van Powertown kort na mekaar vermoor is nie. 'n Spesiale ondersoekspan is deur die polisie saamgestel om die moorde te ondersoek.
Die 17-jarige Lesley-Ann Maya is onlangs dood aangetref tussen riete skaars 300m vanwaar sy in Powertown gewoon het. 'n Nadoodse ondersoek het aangetoon dat sy verwurg is.
Kort hierna het Bonique Jansen verdwyn en is agt dae later langs 'n spruit naby die Klein-Brakrivier dood aangetref.
Intussen het die burgemeester van Mosselbaai, Raadsdame Marie Ferreira, gesê die verdwyning van en moord op die meisies is tragies en onaanvaarbaar.
"Almal is mos geregtig op 'n veilige omgewing en dit is baie hartseer dat dit nou in Powertown gebeur het, waar my ervaring is dat almal saamleef soos familie in hierdie klein gemeenskap. My bede is dat die skuldige spoedig gevind en gestraf sal word."
Raadsdame Ferreira het bygevoeg dit kan egter nie die meisies terugbring nie en is haar verdere bede dat "die Hemelse Vader vertroosting sal bring soos nét Hy kan, vir die ouers, familie en al Powertown se mense asook die leerlinge en personeel van Groot Brak Sekondêre Skool".
Die skoolhoof, mnr Lloyd Petersen, het gesê sy leerders leef in vrees. "Ons hoop die skuldige of skuldiges word binnekort gearresteer."
Petersen was ook teenwoordig toe honderde van sy leerders onlangs aan 'n optog in Powertown deelgeneem het.
"Wat gebeur het, is onaanvaarbaar. Ons skool is geskok en ons hoop nie daar is soortgelyke voorvalle ooit weer nie. Ons kinders moet veilig kan voel."
Vorige artikels:
- Minister op pad na Powertown ná moorde
- Roudiens vir 3 vermoorde tieners
- Inwoners kom op lyk af
- Gemeenskap leef in vrees.
- Urgent community meeting after body found
- Opvolg: Tienermeisie se oorskot gevind
- Nòg 'n tiener uit Powertown vermis
- Nog 'n tienermeisie vermis
Verwante artikels:
- Blomme vir Lesley-Ann
- Moordenaar steeds soek
- Opvolg: 17-jarige meisie verwurg
- Liggaam in Klein Brak gevind
- Vermiste meisie (17) se lyk gevind
- Waar is Lesley-Ann?
- 17-jarige meisie steeds vermis
- 17-jarige Groot Brak meisie vermis
Bonique Jansen (15) is vermis sedert Saterdag, 13 Junie en dood aangetref op Maandag, 22 Junie, skaars 2km vanwaar sy gewoon het.
Lesley-Ann Maya (17) het vermis geraak op 13 April vanjaar en is op 18 April tussen riete gevind, skaars 300m van haar huis af. Sy is verwurg. Nog geen verdagtes is sedertdien gearresteer nie.
ARTIKEL: LOUISE KARSTEN, MOSSEL BAY ADVERTISER - JOERNALIS.
'Ons bring jou die nuutste Mosselbaai, Tuinroete nuus'
