Plaaslike nooddienste is vandag bygestaan deur lugsteun en die polisie se K9 Outeniqua-honde-eenheid van George nadat bekend geword het dat daar na onderskeidelik Katrien Michaels en Dieter van der Berg gesoek word.
Van der Berg word sedert Sondag vermis nadat hy by die St Blaize-wandelroete afgelaai is. Michaels is omstreeks 01:30 vanoggend laas lewendig gesien voordat sy vermoedelik van die rotse by grotte op die wandelpad agter die Van Riebeeckstadion na benede geval het.
Tot nog toe het polisie en nooddienspersoneel wel op twee tonele op bloed afgekom, maar geen verdere inligting is beskikbaar nie.
Nog 'n man, mnr Losper, wat aanvanklik as vermis aangemeld is, is tans by die Mosselbaaise polisiestasie.
Enige persoon met inligting oor Van der Berg word versoek om Ao Amanda Lordan (082 302 6858) te kontak. Enige persoon met inligting oor Michaels word versoek om die Mosselbaai-polisiestasie (044 606 2811) te kontak.
Nooddienste op die toneel. Foto: Verskaf.
'Ons bring jou die nuutste Mosselbaai, Tuinroete nuus'
