Gallery

MOSSELBAAI NUUS - Die ACVV Kenani dienssentrum se span Gemeenskapgebaseerde Sorg en Ondersteuning Sentrum (GSOS), het op Woensdag, 29 November, hul jaarlikse Kerspartytjie gehou.

Kersvader Ron Briant en Kersmoeder Veronica Briant het die groep kom verras en geskenke uitgedeel tot vreugde van ieder en elk.

"Onder burgermeester, raadsheer Cliffie Bayman en sy span, het saam kom kuier en sommer vinnig in elkeen se hart geklim. Hy het 'n deernisvolle en opbouende persoonlikheid en het self 'n musikale nommertjie gesing. 'n Man van vele talente," sê Melony Bosch van GSOS.

FOTOGALERY: Kenani hou kersparty vir inwoners

Marie en Brenda de Klerk het saam in die pret en groot kuier gedeel. "Ons dank aan Brenda, en die bobaas bakster Debbie Viljoen vir die heerlike koek, waaraan elkeen kon smul. Ons bedank ieder en elk wat 'n positiewe en spontane impak in elkeen van ons GSOS-span se lewens die jaar gemaak het. Mag jul elkeen in oorvloed geseën word," sê Bosch.

Inwoners van ACVV Kenani dienssentrum op Mosselbaai tydens hul Kersparty.

Hier saam met Kersvader Ron Briant staan Mariana Lategan (bestuurder Kenani dienssentrum), Fransie Jansen van Rensburg en Melony Bosch (beide ook personeel by Kenani).

‘Ons bring jou die nuutste Tuinroete, Hessequa, Karoo nuus’