Translate to: 

125 Vissers dalk werkloos

125 Vissers dalk werkloos
Mosselbaai se vissersgemeenskap is geskok oor die nuus dat groot afleggings mag volg nadat die jongste voorlopige viskwotas vir "Hake Inshore Trawl" aangekondig is. Al die plaaslike vismaatskappye se kwotas is afwaarts aangepas.Foto: Nickey le Roux
MOSSELBAAI NUUS - Tot 125 werknemers van een van Mosselbaai se grootste vismaatskappye, Viking Inshore Fishing, staar moontlike aflegging in die gesig.
 
Kort voor Kersfees het dit hierdie week bekend geword dat die maatskappy se voorlopige kustreil stokviskwota, oftewel Hake Inshore Trawl-kwota soos dit amptelik bekend staan, met 70% ingekort is.
 
Die beplande datum vir die inwerkingtreding van die nuwe, langtermynkwotas is 1 Januarie 2017.
 
Personeel is op Woensdag, 7 Desember van verwikkelinge in kennis gestel.
 
Maatskappye moet elke 15-jaar aansoek doen vir die hernuwing van kwotas. Die huidige kwota het einde 2015 verstryk. Tans word op die voorlopige kwotas gewerk.
 
Die departement van landbou, bosbou en visserye het 'n puntestelsel ontwikkel waarvolgens kwotahouers se aansoeke beoordeel is en, hoewel Viking met 92.8% die tweede hoogste telling in die industrie volgens die vasgestelde vereistes behaal het, is die kwota desondanks met meer as tweederdes ingekort sou die voorlopige kwotas goedgekeur word.
 
Die vereistes het onder meer transformasie, werksaamhede, opleiding, belegging in die industrie, en dies meer gemeet. Die eienaars van visregte kan intussen kommentaar en vertoë lewer en daar word gehoop dat die departement tot ander insigte sal kom.
 
Daar is vasgestel dat al die kustreilkwotas vir stokvis vir al die Mosselbaai-vismaatskappye ingekort is, hoewel Viking se kwota die ergste geraak word.
 
'n Direkteur van MBC Visserye, mnr Lionel Brown, sê hoewel hul maatskappy se voorlopige kwota met 10% ingekort is, is dit op 'n baie lae basis bereken.
 
"Die nuwe syfers maak dit onmoontlik vir ons maatskappy om vir groei te beplan. Met die jongste syfers sal ons met twee bote maar sowat vier maande van die jaar vis kan vang. Daarenteen is die kwotas vir groot vismaatskappy op 'n baie groter basis bereken, en is groter tonnemaatkwotas aan hulle toegeken selfs al het hulle in een geval net een vaartuig in die gebied.
 
Ons wil plaaslike vissersmense bevorder, geleenthede vir hulle skep, maar dit wil voorkom asof nuwe toetreders tot die bedryf meer regte gegun word as bestaande vissers," aldus Brown.
 
Die departement beoog om 12 nuwe regtehouers in die sektor toe te laat, waarvan ses na wat verneem word geen vorige ervaring in die visbedryf het nie. Die Hake Inshore Trawl-kwota is spesifiek vir toestande in die Suid-Kaap uitgereik.
 
By Viking werk sommige vissers reeds sedert die negentigerjare toe die fabriek in Mosselbaai gevestig is vir die maatskappy wat reeds meer as 20 jaar 'n integrale deel van Mosselbaai is en tans permanente werk aan 179 werknemers verskaf. Sonder 'n groter kwota, sal werksaamhede en gevolglik personeel afgeskaal moet word.
 
Met die huidige kwota sal daar slegs werk vir twee van die maatskappy se vyf bote wees. Mosselbaai se werksaamhede is geskoei op vyf vissersbote wat stokvis en tongvis vang en werk verskaf vir die aflaai-afdeling, ysaanleg, fabriek, werkswinkel, kouestore, versendingsafdeling, vier winkels en twee restaurante.
 
Die bote is spesifiek vir stokvisvangste geskik en sal na wat verneem word, nie in Kaapstad of elders aangewend kan word nie.
 
Nie net die direkte personeel en hul families nie, maar ook die verwante industrië wat met die visbedryf handel, en Mosselbaai se ekonomie in die breë, word direk deur die verwikkelinge geraak.
 
Geen kommentaar is teen druktyd van die departement ontvang nie.
 
ARTIKEL & FOTO: NICKEY LE ROUX, MOSSEL BAY ADVERTISER-NUUSREDAKTEUR
 
'Ons bring jou die nuutste Mosselbaai, Tuinroete nuus'
08:01 (GMT+2), Fri, 09 December 2016
Your Comments...
 
Login or Register here.
*To REGISTER you will be directed to the registration page. Once you have completed the registration process, please return to this page.

Weather

Currencies

US Dollar
Pound Sterling
Euro
Australian Dollar
New Zealand Dollar
Canadian Dollar
UAE Dirham
Singapore Dollar
Chinese Yuan

Moon Cycle

CURRENT MOON

Horoscopes

Get your free daily horoscope + free daily forecast below.
Choose your zodiac sign:
  Aries    
March 21 - April 19
Libra    
September 23 - October 22
  Taurus    
April 20 - May 20
Scorpio    
October 23 - November 21
  Gemini    
May 21 - June 20
Sagittarius    
November 22 - December 21
  Cancer    
June 21 - July 22
Capricorn    
December 22 - January 19
  Leo    
July 23 - August 22
Aquarius    
January 20 - February 18
  Virgo    
August 23 - September 22
Pisces    
February 19 - March 20

Movie Trailers

A new chapter in the beloved 'Ring' horror franchise. A young woman becomes...
Belle (Emma Watson), a bright, beautiful and independent young woman, is...
Saban's Power Rangers follows five ordinary teens who must become something...
Emma le Roux is on her way home to the family farm in the Great Karoo....
Bodi (Luke Wilson), a wide-eyed Tibetan Mastiff, is expected to become the...

Games

Air hockey is one of everyone's favorite challenges! Represent your...
This is the most advanced edition of the popular online version of Pool...
In this Digital Domino Game all the rules are the same as the real game....
The classic mind-wracking math puzzle game is now online! With a brad new...
Voting Poll
Every now and then someone in Mossel Bay claims to have seen "strange lights" in the sky. Do you think these might be the lights of UFOs or other extra-terrestrial craft?
Yes: Possibly. The universe is huge. They could be flying craft from some star in an unknown galaxy.
Mossel Bay Advertiser 20%
No: There must be a logical, earthly explanation for the lights. Perhaps they are emergency flares or the lights from some sort of night flying exercise. Reflection or particles in the atmosphere might make the lights appear larger.
Mossel Bay Advertiser 80%
Men
Women
Search
I'm a 61 year old man looking to meet women between the ages of 35 and 63.
I'm a 59 year old man looking to meet women between the ages of 47 and 61.