MOSSELBAAI NUUS - Die sewe leerders wat daarvan aangekla word dat hulle 'n leerder van Indwe Sekondêre Skool, Sisipho Jako, wreed aangerand en herhaaldelik met 'n mes gesteek het, het vandeesweek in die Mosselbaai Landdroshof verskyn.
Hul saak is vir verdere ondersoek tot 10 September uitgestel.Die beweerde voorval het tydens skoolure om ongeveer 09:45 op Dinsdag, 11 Augustus plaasgevind.
Die jongste beskuldigde is slegs 13 jaar oud. Twee van die aanvallers was nie ingeskrewe leerders van Indwe nie, en het na wat verneem word Indwe uniforms van familielede aangetrek om ongesiens met die Indwe-leerders te meng.
Na wat verneem word, sal vermoedelik nog twee leerders met die voorval verbind kan word en sal hullle, hangende die ondersoek, by die volgende hofverskyning tot die saak gevoeg word en voor die hof gedaag word.
Enige persoon wat oor inligting beskik wat verdere lig op die saak kan werp, word versoek om met die ondersoekbeampte, Sers Campher, van die KwaNonqaba Polisiestasie te kontak by 044 606 5607.
Lees vorige artikels:
ARTIKEL: NICKEY LE ROUX, MOSSEL BAY ADVERTISER - JOERNALIS
'Ons bring jou die nuutste Mosselbaai, Tuinroete nuus'
