GROOT-BRAKRIVIER NUUS - Die 15-jarige seun wat 'n mede-leerder glo met 'n mes op 'n skoolbus op 17 April 2014 doodgesteek het, is onlangs onder korrektiewe toesig geplaas. Die beskuldigde is ook uit Groot-Brakrivier Sekondêre Skool geskors.
Hy is aanvanklik aangekla van moord op sy mede-leerder, Joseph 'Nikki' Isaacs, nadat hy Nikki na bewering glo na 'n argument oor 'n sitplek, op pad skool toe op die bus met 'n mes gesteek het.
Nikki, wat van die plaas Buffelsdrift buite Groot-Brakrivier was, het nadat hy met die mes gesteek is, uit die bus geklim en oor die pad na die Sinksabrug Kafee gestrompel.
Die busbestuurder beweer dat hy nie van die voorval geweet het nie en dat dit nie ongewoon is vir leerders om op pad skool toe van die bus af te klim nie.
Die beskuldigde het egter tydens 'n pleitooreenkoms met die staat skuldig gepleit aan strafbare manslag.
Hy is in familie se sorg vrygelaat.
Lees vorige artikels hieroor:
- Skolier weer in hof vir moord
- Opvolg: Leerder dood na messteek op bus
- Opvolg: Seun op skoolbus doodgesteek
- Busmoord
ARTIKEL: LOUISE KARTSEN, MOSSEL BAY ADVERTISER - JOERNALIS
'Ons bring jou die nuutste Groot-Brakrivier, Tuinroete nuus'
