Mossel Bay Advertiser | Sestien medaljes vir tweekampers

Translate to:


News	Classifieds	Directory

Sestien medaljes vir tweekampers
00:00 (GMT+2), Thu, 26 April 2012

Wilco du Preez, wat hier regs voor draf het ‘n goue medalje in die tweekamp S/13 ontvang.

SUID-KAAP NUUS - Die SWD-tweekampspan het na Kimberley gereis om aan die 37ste SA Tweekamp- en Biathlo Kampioenskappe deel te neem en met sestien medaljes teruggekeer.

Meer as 800 atlete van 16 provinsies en die SA Ontwikkelingspan het deelgeneem.

SWD het 5 medaljes in die tweekamp en 11 medaljes in die biathlo gewen.
Die SWD-span het algeheel sesde geëindig en die beste gevaar van die kleiner provinsies.

Die medalje-wenners is:
Tweekamp en Biathlo onderskeidelik: Luné van der Westhuizen (D/11 brons & goud), Wilco du Preez (S/13 goud), Hainto Vermeulen (S/13 brons & silwer), Gerdus Claassen (S/11 silwer), Nicolas Coertze (S/15 silwer en goud), Estiaan Maree (S/17 brons), Stephnie McKay (D/ope brons), May du Plessis (D/15 silwer & goud), Katelyn Mullen (D/15 brons), Chris van Wyk (veterane mans goud), Lisl Windt (junior veterane dames brons), Johan Windt (senior veterane mans silwer).

Die SA Kampioenskappe vir 2013 is aan Oudtshoorn toegeken en gaan tydens die langnaweek van 21, 22 en 23 Maart 2013 plaasvind.

Tydens die algemene jaarvergadering is Dave van der Walt van die SWD herkies as lid van die uitvoerende bestuur van die SA Tweekampvereniging asook as nasionale keurder.

Sien nog foto's hier.